ലോകത്ത് കൊവിഡ് ബാധിതരുടെ എണ്ണം 19.17 കോടി
ലോകത്ത് കൊവിഡ് ബാധിതരുടെ എണ്ണം 19.17 കോടിയായി. നാല്പ്പത്തിയൊന്ന് ലക്ഷം പേര്ക്ക് ജീവന് നഷ്ടമായപ്പോള് 17.45 കോടി ആളുകള് രോഗത്തില് നിന്ന് മുക്തി നേടി.അമേരിക്കയില് 6.24 ലക്ഷം പേരാണ് മരിച്ചത്. മൂന്നര കോടി പേര്ക്ക് വൈറസ് ബാധ സ്ഥിരീകരിച്ചു. മരണസംഖ്യയില് തൊട്ടുപിന്നില് ബ്രസീലാണ്. രാജ്യത്ത് 5.42 ലക്ഷം പേരാണ് മരിച്ചത്.
ഇന്ത്യയില് 38,164 പേര്ക്കു കൂടി കോവിഡ് 19 സ്ഥിരീകരിച്ചു. കഴിഞ്ഞ് 24 മണിക്കൂറിനുള്ളിലെ കണക്കാണിത്. 499 മരണങ്ങളും റിപ്പോര്ട്ട് ചെയ്തിട്ടുണ്ട്. രോഗികളുടെ എണ്ണത്തില് കഴിഞ്ഞ ദിവസത്തെ അപേക്ഷിച്ച് 7.2 ശതമാനം കുറവുണ്ട് എന്നത് ആശ്വാസകരമാണ്.
104 ദിവസത്തിനുള്ളിലെ ഏറ്റവും കുറഞ്ഞ മരണനിരക്കാണ് 24 മണിക്കൂറിനിടെ രാജ്യത്തുണ്ടായതെന്ന് കേന്ദ്ര ആരോഗ്യമന്ത്രാലയം അറിയിച്ചു. നിലവില് പ്രതിദിനം ഏറ്റവും അധികം കോവിഡ് പോസിറ്റീവ് കേസുകള് റിപ്പോര്ട്ട് ചെയ്യുന്ന സംസ്ഥാനം കേരളമാണ്. 13,956 പേര്ക്കാണ് കഴിഞ്ഞ ദിവസം കേരളത്തില് മാത്രം രോഗം സ്ഥിരീകരിച്ചത്. 9,000 പേര്ക്ക് രോഗം സ്ഥിരീകരിച്ച മഹാരാഷ്ട്ര രണ്ടാം സ്ഥാനത്തുണ്ട്.