ന്യൂഡല്ഹി: കടബാധ്യതയില് തുടരുന്ന ‘എയര്ഇന്ത്യ’ ഏറ്റെടുക്കാനുള്ള ലേലത്തില് ടാറ്റാ സണ്സ് സമര്പ്പിച്ച ടെന്ഡറിന് അംഗീകാരമെന്ന റിപ്പോര്ട്ട് തെറ്റെന്ന് കേന്ദ്രസര്ക്കാര് . ഇതുമായി ബന്ധപ്പെട്ട് പ്രചരിക്കുന്ന വാര്ത്തകള് വ്യാജമാണെന്നും സര്ക്കാര് സ്വീകരിക്കുന്ന തീരുമാനം മാധ്യമങ്ങളെ അറിയിക്കുമെന്നും ഡിപ്പാര്ട്ട്മെന്റ് ഓഫ് ഇന്വെസ്റ്റ്മെന്റ് ആന്ഡ് പബ്ലിക് അസെറ്റ് മാനേജ്മെന്റ് അറിയിച്ചു.
അതെ സമയം എയര്ഇന്ത്യ ഏറ്റെടുക്കാനുള്ള ലേലത്തില് ടാറ്റാ സണ്സിന്റെ ടെന്ഡറിന് കേന്ദ്രം അംഗീകാരം നല്കിയതായി ബ്ലൂംബെര്ഗാണ് റിപ്പോര്ട്ട് ചെയ്തത്. കേന്ദ്ര ആഭ്യന്തര മന്ത്രി അമിത് ഷായുടെ നേതൃത്വത്തിലുള്ള സമിതി എയര്ഇന്ത്യയുടെ ടെന്ഡറിന് അംഗീകാരം നല്കിയെന്നും വാര്ത്തയിലുണ്ടായിരുന്നു. എന്നാല് ഇത് സംബന്ധിച്ച് ടാറ്റാ സണ്സ് വക്താക്കള് പ്രതികരിച്ചിട്ടില്ലായിരുന്നു .60,000 കോടിയുടെ നഷ്ടമാണ് നിലവില് എയര്ഇന്ത്യയ്ക്കുള്ളത്. അതെ സമയം സ്പൈസ് ജെറ്റും എയര്ഇന്ത്യ വാങ്ങാന് രംഗത്തുണ്ടായിരുന്നു.