അടൂര്: തൊഴിലുറപ്പ് പണി ചെയ്തുകൊണ്ടിരിക്കെ തൊഴിലാളികള്ക്ക് മിന്നലേറ്റു. അഞ്ച് പേര്ക്കാണ് മിന്നലേറ്റത്. ഏനാദിമംഗലം പൂവണ്ണുംമൂട് രാധാമണി (46), ചെമ്മണ്ണേറ്റത്ത് വടക്കേതില് പൊട്ടിച്ചി (72), കുറുമ്പകര കമുകുംകോട് തങ്കമണി (64), കുറുമ്പകര തുളസി വിലാസം ലീലാദേവി, കുറുമ്പകര ചരുവിള വീട്ടില് അംബിക (46) എന്നിവര്ക്കാണ് മിന്നലേറ്റത്. ഇവരെ അടൂര് ജനറല് ആശുപത്രിയില് പ്രവേശിപ്പിച്ചിട്ടുണ്ട്.
വെള്ളിയാഴ്ച വൈകീട്ട് നാലിന് ഏനാദിമംഗലം കാട്ടുകാലായില് തൊഴിലുറപ്പ് ജോലിയില് ഏര്പ്പെട്ടിരിക്കെയാണ് ശക്തമായ മഴയോടൊപ്പം ഉണ്ടായ മിന്നലേറ്റത്. അഞ്ചുപേരും ബോധരഹിതരായി വീഴുകയായിരുന്നു . തുറസ്സായ സ്ഥലത്താണ് ഇവര് ജോലി ചെയ്തുകൊണ്ടിരുന്നത്. പെട്ടന്നാണ് ഇടിമിന്നലും ശക്തമായ മഴയും തുടങ്ങിയത്.