ഏറ്റവും വലിയ സാങ്കേതിക വിദ്യ പ്രദര്ശന പരിപാടി സൗദിയില്
സൗദി ;ലോകത്തെ ഏറ്റവും വലിയ സാങ്കേതിക വിദ്യ പ്രദര്ശന പരിപാടി അടുത്തവര്ഷം സൗദിയില്. 2022 ഫെബ്രുവരി 1-3 തീയതികളില് റിയാദിലാണ് നടക്കുക.സര്ക്കാര്, ബിസിനസ്, സംരംഭകര്, നിക്ഷേപകര് എന്നിവരെ ഏകോപിപ്പിക്കുന്ന നവീന സാങ്കേതിക വിദ്യകളുടെ ആഗോള പ്ലാറ്റ്ഫോമായി പരിപാടി മാറും.
വി.എം വെയര് സി.ഇ.ഒ രഘു രഘുറാം, ഹ്യൂണ്ടായ് മോട്ടോര് പ്രസിഡന്റ് യങ്ചോ ചി, മാജിക് ലീപ് സി.ഇ.ഒ പെഗ്ഗി ജോണ്സണ്, വേള്ഡ് വൈഡ് വെബ് ഫൗണ്ടേഷന്റെ ചീഫ് വെബ് അഡ്വ. നെന്ന നവാകന്മ, എസ്തോണിയ ഗവ. ചീഫ് ഇന്ഫര്മേഷന് ഓഫിസര് സിയിം സിക്കുട്ട്, ഒലയന് ഗ്രൂപ് സി.ഇ.ഒ സല്മാന് അല് ബദ്രാന്, മൊബിലി സി.ഇ.ഒ ഗിന്വ ബാരാധി, പ്യുവര് ഹാര്വെസ്റ്റ് സി.ഇ.ഒ സ്കൈ കുര്ട്സ്, സ്റ്റീവന് ബാര്ട്ട്ലെറ്റ്, ഫുട്ബാള് ഇതിഹാസങ്ങളായ റോബര്ട്ടോ കാര്ലോസ്, ലൂയിസ് ഫിഗോ ഉള്പ്പെടെയുള്ള വിവിധ മേഖലയിലെ വിദഗ്ധര് പങ്കെടുക്കും.
700ലധികം വളര്ന്നുവരുന്ന ടെക്നോളജി സ്റ്റാര്ട്ട്- അപ്പുകള് അവരുടെ പരിഹാരങ്ങള് ലോകത്തിന് മുന്നില് പ്രദര്ശിപ്പിക്കും. ആഗോള ടെക്നോളജി ഭീമന്മാര് പ്രതീക്ഷയര്പ്പിക്കുന്ന ഈ മേഖലയിലെ ഏറ്റവും വലിയ ഇവന്റുകളിലൊന്നായി പരിപാടി മാറും.