സ്കൂളുകള്ക്ക് മുന്കൂര് അനുമതിയില്ലാതെ വിദൂര പഠനത്തിലേക്ക് മാറ്റാന് അനുമതി
ദുബായിലെ സ്കൂളുകള്ക്ക് മുന്കൂര് അനുമതിയില്ലാതെ വിദൂര പഠനത്തിലേക്ക് മാറ്റാന് അനുമതി. ദുബൈ വിദ്യാഭ്യാസ നിയന്ത്രണ വകുപ്പായ കെ.എച്ച്.ഡി.എ വെബ്സൈറ്റ് വഴി ബുധനാഴ്ച രാത്രിയാണ് ഇക്കാര്യമറിയിച്ചത്. കോവിഡ് രോഗലക്ഷണമോ അടുത്ത സമ്പര്ക്കമോ ഉള്ള വിദ്യാര്ഥികളെ ഓണ്ലൈനായി പഠിക്കാന് അനുവദിക്കണം.
രോഗലക്ഷണങ്ങള് ഇല്ലാതായാല് ഇത്തരം വിദ്യാര്ഥികള്ക്ക് സ്കൂളില് തിരിച്ചുവരാം. വിദ്യാര്ഥിക്കോ ജീവനക്കാരനോ അടുത്ത സമ്പര്ക്കമുണ്ടായാല് ഏഴുദിവസത്തെ ക്വാറന്റീന് നിര്ബന്ധമാണ്. ഈ സമയത്ത് കുട്ടികള്ക്ക് ഓണ്ലൈന് പഠനസൗകര്യമുണ്ടാകണം. കോവിഡ് ലക്ഷണങ്ങളില്ലെങ്കില് ഏഴുദിവസം കഴിഞ്ഞ് സ്കൂളിലെത്തുമ്പോള് പി.സി.ആര് പരിശോധനയുടെ ആവശ്യമില്ലെന്നും അധികൃതര് വ്യക്തമാക്കി.