സംസ്ഥാനത്ത് ഹയര് സെക്കന്ററി, വൊക്കേഷണല് ഹയര് സെക്കന്ററി പരീക്ഷാ ഫലങ്ങള് പ്രഖ്യാപിച്ചു. പ്ലസ് ടു വിജയശതമാനം 82.95%. 2022ല് 83.87 % ആയിരുന്നു വിജയശതമാനം.
നാല് മണി മുതല് വെബ്സൈറ്റിലും മൊബൈല് ഫോണ് ആപ്ലിക്കേഷനിലും ഫലമറിയാം. റെഗുലര് വിഭാഗത്തില് 3,76,135 കുട്ടികളാണ് പരീക്ഷ എഴുതിയത്. ഇതില് 3,12,005 പേര് ഉന്നത പഠനത്തിന് യോഗ്യത നേടി.
റെഗുലര് വിഭാഗം
ആകെ കുട്ടികള് 3,76,135
ആണ്കുട്ടികള് – 1,81,624
പെണ്കുട്ടികള് – 1,94,511
സയൻസ് – 87.31%, ഹ്യുമാനിറ്റീസ് – 71.93%, കോമേഴ്സ് – 82.75 % എന്നിങ്ങനെയാണ് വിജയശതമാനം.
സര്ക്കാര് സ്കൂള് – 79.19 %, എയ്ഡഡ് സ്കൂള് – 86.31%, അണ് എയ്ഡഡ് സ്കൂള് – 82.70%, സ്പെഷ്യല് സ്കൂള് – 99.32 % വിജയവും കരസ്ഥമാക്കി. പ്ലസ് ടുവിന് 33815 പേര്ക്ക് എല്ലാ വിഷയങ്ങള്ക്കും എ പ്ലസ് ലഭിച്ചു.
87.55 ശതമാനത്തോടെ എറണാകുളം ജില്ലയാണ് വിജയശതമാനത്തില് ഏറ്റവും മുന്നില് നില്ക്കുന്നത്. 76.59 ശതമാനത്തോടെ പത്തനംതിട്ടയാണ് വിജയശതമാനത്തില് ഏറ്റവും പിന്നില് നില്ക്കുന്നത്. 77 സ്കൂളുകളാണ് 100 ശതമാനം വിജയം കൈവരിച്ചത്. ഏറ്റവും കൂടുതല് എ പ്ലസ് ലഭിച്ചത് മലപ്പുറത്താണ്. പുനര് മൂല്യനിര്ണയം, സൂക്ഷ്മ പരിശോധന എന്നിവയ്ക്ക് ഈ മാസം 31 വരെ അപേക്ഷിക്കാം.
75.30% ശതമാനം കുട്ടികള് ടെക്നിക്കല് ഹയര് സെക്കന്ററി പരീക്ഷയില് വിജയിച്ചു. 98 വിദ്യാര്ത്ഥികള്ക്ക് എല്ലാ വിജയങ്ങള്ക്കും എ പ്ലസ് ലഭിച്ചു. കലാമണ്ഡലത്തിലെ വിജയശതമാനം– 89.06% ആണ്. രണ്ട് പേര്ക്ക് മുഴുവൻ വിഷയങ്ങള്ക്കും എ പ്ലസ് ലഭിച്ചു.
വൊക്കേഷനല് ഹയര് സെക്കൻഡറിയില് 28495 പേര് പരീക്ഷ എഴുതിയതില് 22338 പേര് ഉപരിപഠനത്തിന് യോഗ്യത നേടി. 78.39% വിജയം. കഴിഞ്ഞ തവണ 78.26%. ഇത്തവണ 0.13% കൂടുതല് വിജയം. സയൻസില് 78.76 ശതമാനവും, ഹ്യുമാനിറ്റീസില് 71.75 ശതമാനവും കൊമേഴ്സില് 77.76 ശതമാനവും വിജയം.
പരീക്ഷാഫലം 04.00 മണി മുതല് താഴെ പറയുന്ന വെബ്സൈറ്റുകളിലും മൊബൈല് ആപ്ലിക്കേഷനുകളിലും ലഭ്യമാകും
www.keralaresults.nic.in
www.prd.kerala.gov.in
www.result.kerala.gov.in
www.examresults.kerala.gov.in
www.results.kite.kerala.gov.in