തിരുവനന്തപുരം: മകരപ്പൊങ്കല് പ്രമാണിച്ച് സംസ്ഥാനത്തെ ആറ് ജില്ലകള്ക്ക് നാളെ അവധി പ്രഖ്യാപിച്ചു. തമിഴ്നാടുമായി അതിര്ത്തി പങ്കിടുന്ന തിരുവനന്തപുരം, കൊല്ലം, പത്തനംതിട്ട, ഇടുക്കി, പാലക്കാട്, വയനാട് ജില്ലകള്ക്കാണ് സര്ക്കാര് അവധി പ്രഖ്യാപിച്ചിരിക്കുന്നത്.
അതേസമയം, പൊങ്കല് ആഘോഷങ്ങളുടെ ഭാഗമായി യാത്രക്കാരുടെ തിരക്ക് നിയന്ത്രിക്കുന്നതിന് സൗത്ത് വെസ്റ്റേണ് റെയില്വേ പ്രത്യേക ട്രെയിന് സര്വീസുകള് പ്രഖ്യാപിച്ചിട്ടുണ്ട്. അതിനായുള്ള റിസർവേഷൻ കഴിഞ്ഞദിവസം രാവിലെ എട്ടിന് ആരംഭിച്ചു. 06235 യശ്വന്ത്പുര്– കൊച്ചുവേളി ഫെസ്റ്റിവല് എക്സ്പ്രസ് സ്പെഷല് ശനിയാഴ്ച രാത്രി 11:55 ന് യശ്വന്ത്പുരില് നിന്ന് പുറപ്പെട്ട് ഞായറാഴ്ച വൈകിട്ട് 7:10ന് കൊച്ചുവേളിയില് എത്തും. 06236 കൊച്ചുവേളി–യശ്വന്ത്പുര് ഫെസ്റ്റിവല് എക്സ്പ്രസ് സ്പെഷല് 14ന് രാത്രി 10 ന് കൊച്ചുവേളിയില്നിന്ന് പുറപ്പെട്ട് 15 ന് വൈകുന്നേരം നാലരയ്ക്ക് യശ്വന്ത്പുരിലെത്തും.
അതേസമയം ജനുവരി 15 നാണ് ശബരിമലയിൽ മകരവിളക്ക്. അന്ന് പുലര്ച്ചെ 2:46 ന് മകരസംക്രമ പൂജ നടക്കും. പതിവ് പൂജകള്ക്കുശേഷം വൈകിട്ട് അഞ്ച് മണിക്ക് നട തുറക്കും.