![“Manju”](https://santhigirinews.org/wp-content/uploads/2020/04/YOUTUBE.jpg")
സിന്ധുമോള്‍ ആര്‍
ന്യൂഡല്‍ഹി: പാര്‍ലമെന്‍റ് മണ്‍സൂണ്‍ സമ്മേളനത്തിന് മുന്നോടിയായി നടത്തിയ പരിശോധനയില്‍ 17 ലോക്സഭ എം.പിമാര്‍ക്ക് കോവിഡ് സ്ഥിരീകരിച്ചു. സെപ്റ്റംബര്‍ 13നും 14നും നടത്തിയ പരിശോധനയിലാണ് കോവിഡ് സ്ഥിരീകരിച്ചത്. ബി.ജെ.പിയുടെ 12 എം.പിമാര്‍ക്കും വൈ.എസ്.ആര്‍ കോണ്‍ഗ്രസ്, ശിവസേന, ഡി.എം.കെ എന്നിവയുടെ രണ്ടു എം.പിമാര്‍ക്ക് വീതവും ഒരു ആര്‍.എല്‍.പി എം.പിക്കും കോവിഡ് സ്ഥിരീകരിച്ചു.
പാര്‍ലമെന്‍റ് സമ്മേളനം നടക്കുന്നതിന് മുന്നോടിയായി രാജ്യസഭ, ലോക്സഭ അംഗങ്ങള്‍ നിര്‍ബന്ധമായും കോവിഡ് പരിശോധന നടത്തണമെന്ന് നിര്‍ദേശിച്ചിരുന്നു. തിങ്കളാഴ്ചയാണ് സമ്മേളനം ആരംഭിച്ചത്. കോവിഡ് വ്യാപനത്തിന്റെ പശ്ചാത്തലത്തില്‍ സഭാസമ്മേളന സമയം ഉള്‍പ്പെടെ വെട്ടിക്കുറക്കാനും തീരുമാനിച്ചിരുന്നു. സീറ്റ് ക്രമീകരണത്തിലും മാറ്റം ഏര്‍പ്പെടുത്തിയിരുന്നു.
