തിരുവനന്തപുരം: മഹാത്മാ ഗാന്ധിയുടെ രക്തസാക്ഷിത്വ വാര്ഷികത്തോടനുബന്ധിച്ച് തൈക്കാട് ഗവ.കോളജ് ഓഫ് ടീച്ചര് എജുക്കേഷനില് സംഘടിപ്പിച്ച ഗാന്ധി ഫോട്ടോ പ്രദര്ശനം ശ്രദ്ധേയമായി. ഗാന്ധിജിയുടെ ജീവിതത്തിലെ പ്രധാന സംഭവവികാസങ്ങളെ അടിസ്ഥാനമാക്കിയായിരുന്നു പ്രദര്ശനം.
ഗാന്ധിപീസ് ഫൗണ്ടേഷനും ഗാന്ധി ദര്ശന് സമിതിയും സംയുക്തമായി ‘ഗാന്ധി സ്മൃതി’ പരിപാടിയുടെ ഭാഗമായി നടത്തിയ പ്രദര്ശനം കോളേജ് പ്രിന്സിപ്പല് ഡോ.കെ.രാജേശ്വരി ഉദ്ഘാടനം ചെയ്തു.ഗാന്ധിസ്മൃതി സെമിനാര് ഗാന്ധിയന് ചിന്തകനായ ഡോ.പി.വിശ്വനാഥന് നായര് ഉദ്ഘാടനം ചെയ്തു.
‘ഗാന്ധിജിയും അടിസ്ഥാന വിദ്യാഭ്യാസവും’ എന്ന വിഷയത്തില് നടന്ന സെമിനാറില് കേരള സര്വകലാശാലാ ഗാന്ധിയന് പഠന കേന്ദ്രം മുന് കോഓര്ഡിനേറ്റര് ജെ.എം.റഹിം പ്രഭാഷണം നടത്തി. കോളജ് പ്രിന്സിപ്പല് ഡോ.കെ.രാജേശ്വരി അധ്യക്ഷത വഹിച്ചു. ഗാന്ധി പീസ് ഫൗണ്ടേഷന് ഭാരവാഹികളായ വി.സുകുമാരന് ,ഡോ.പി.പ്രതാപന്, പ്രോഗ്രാം കണ്വീനര്മാരായ കൃഷ്ണ.എം.എസ്, അഖില് മോഹന് എന്നിവര് സംസാരിച്ചു.