LatestThiruvananthapuram
വീരമൃത്യു വരിച്ച മലയാളി ജവാന്റെ ഭൗതിക ശരീരം ഇന്ന് നാട്ടിലെത്തിക്കും
തിരുവനന്തപുരം: ജമ്മുകശ്മീരില് ഭീകരരുമായുണ്ടായ ഏറ്റുമുട്ടലില് വീരമൃത്യു വരിച്ച മലയാളി ജവാന് വൈശാഖി (23 )ന്റെ ഭൗതിക ശരീരം ഇന്ന് വൈകുന്നേരത്തോടെ തിരുവനന്തപുരം വിമാനത്താവളത്തിലെത്തിക്കും. തുടര്ന്ന് സര്ക്കാര് ഭൗതിക ശരീരം ഏറ്റുവാങ്ങി വ്യോമസേനാ ആസ്ഥാനത്ത് സൂക്ഷിക്കും. നാളെ ഉച്ചയ്ക്ക് ഔദ്യോഗിക ബഹുമതികളോടെ മൃതദേഹം സംസ്കരിക്കും.
കൊല്ലം ഓടനാവട്ടം സ്വദേശി എച്ച്. വൈശാഖ് നാലുവര്ഷം മുന്പാണ് സൈന്യത്തില് ചേര്ന്നത്. ഇന്നലെയാണ് ഭീകരരുമായുള്ള ഏറ്റുമുട്ടലില് വൈശാഖ് കൊല്ലപ്പെട്ടത്. പൂഞ്ച് ജില്ലയിലെ സുരന്കോട്ടില് ഭീകരവിരുദ്ധ ഓപ്പറേഷന് എത്തിയ സുരക്ഷാ സേനയിലെ അഞ്ച് സൈനികരാണ് ഭീകരവാദികളും ആയുള്ള ഏറ്റുമുട്ടലില് വീരമൃത്യു വരിച്ചത്.