IndiaKeralaLatestThiruvananthapuram
കൊടിക്കുന്നില് സുരേഷ് എംപിക്ക് കോവിഡ് സ്ഥിരീകരിച്ചു
സിന്ധുമോൾ. ആർ
തിരുവനന്തപുരം : കെപിസിസി വര്ക്കിങ് പ്രസിഡന്റ് കൊടിക്കുന്നില് സുരേഷ് എംപിക്ക് കോവിഡ് സ്ഥിരീകരിച്ചു. ഇന്നലെ നടത്തിയ പരിശോധനയിലാണ് കൊടിക്കുന്നില് പോസിറ്റീവ് ആയത്. കെപിസിസി ഓഫീസിലെ ജീവനക്കാരന് കോവിഡ് സ്ഥിരീകരിച്ചതിനെ തുടര്ന്ന് കെപിസിസി പ്രസിഡന്റ് മുല്ലപ്പള്ളി രാമചന്ദ്രന് അടക്കമുള്ളവര് ക്വാറന്റീനില് പ്രവേശിച്ചിരുന്നു.
കൊടിക്കുന്നില് സുരേഷിന്റെ മൂത്ത സഹോദരി ലീല അടുത്തിടെ കോവിഡ് ബാധിച്ച് മരിച്ചിരുന്നു. കെഎസ്എഫ്ഇ സ്റ്റാച്യൂ ബ്രാഞ്ചില് ജീവനക്കാരിയായിരുന്നു.തിരുവനന്തപുരം ആര്സിസിയില് കാന്സര് രോഗബാധിതയായി ചികിത്സയിലായിരുന്നു. കോവിഡ് സ്ഥിരീകരിച്ചതിനെ തുടര്ന്ന് രോഗം മൂര്ച്ഛിക്കുകയും മരണം സംഭവിക്കുകയുമായിരുന്നു.