ബാഴ്സലോണയ്ക്ക് ഒന്നാമതെത്താന് അവസരം
മാഡ്രിഡ്: സ്പാനിഷ് ലീഗില് ഇന്ന് ബാഴ്സലോണയ്ക്ക് ഒന്നാമതെത്താന് വീണ്ടും ഒരവസരം. ഇന്ന് ലെവാന്റേയ്ക്ക് എതിരെ ജയിച്ചാല് മെസ്സിക്കും കൂട്ടര്ക്കും ലീഗിലെ പോയിന്റ് പട്ടികയില് ഒന്നാം സ്ഥാനക്കാരാകാം. നിലവില് 35 മത്സരങ്ങളിലായി 75 പോയിന്റാണ് ബാഴ്സയ്ക്കുള്ളത്. ഒന്നാം സ്ഥാനത്തുള്ള അത്ലറ്റികോ മാഡ്രിഡിന് 77 പോയിന്റാണുള്ളത്. ഇന്നത്തെ ജയം ബാഴ്സയെ ഒരു പോയിന്റ് വ്യത്യാസത്തില് ഒന്നാമതെത്തിക്കും. തൊട്ടു മുന്നില് 75 പോയിന്റോടെ റയല് മാഡ്രിഡുമുണ്ട്.
രണ്ടാഴ്ച മുമ്പ് ഗ്രനാഡേയ്ക്കെതിരെ ജയിച്ചിരുന്നെങ്കില് ബാഴ്സ മുന്നിലെത്തുമായിരുന്നു. എന്നാല് ആ പോരാട്ടത്തില് 1-2ന് മത്സരം അടിയറവെച്ചതോടെ മുന്നേറാനുള്ള അവസരം നഷ്ടമായി. തുടര്ന്ന് വലന്സിയയെ 3-2ന് തോല്പ്പിച്ചു. തൊട്ടടുത്ത മത്സരത്തില് ഒന്നാം സ്ഥാനക്കാരായ അത്ലറ്റികോ മാഡ്രിഡിനെ ഗോള്രഹിത സമനിലയില് തളച്ചതോടെയാണ് ബാഴ്സ മൂന്നാം സ്ഥാനത്ത് തന്നെ തുടരാന് ഇടയായത്.
ലീഗില് മികച്ച ജയം നേടി ബാഴ്സ മുന്നേറുന്നില്ലെന്നതാണ് പ്രധാന കുറവായി നില്ക്കുന്നത്. ഇന്നത്തെ മത്സരത്തിലൂടെ ബാഴ്സ മികച്ച ജയത്തോടെ തിരികെ എത്തുമെന്നാണ് ആരാധകരുടെ പ്രതീക്ഷ.